ఆరుకుక్కలు ఓ ముసలామె
డానీ story
11-4-2013
జూబిలీహిల్స్ రోడ్ నెంబరు 15 లో ఉందా ఇల్లు. ఎకరం వైశాల్యంలో ప్రత్యేకంగా కట్టించుకున్న భవంతి అది. ఇటలీ ఆర్కిటెక్ట్ దాన్ని రూపకల్పన చేశాడు. సువిశాల లాన్లో ఉద్యానవన విభాగం నిపుణులు చెట్లు, మొక్కలు నాటరు.
"స్వర్గద్వారాలు తడుతున్నాను" అనిపించింది ఆ యువకుడికి; కాలింగ్ బెల్లు నొక్కుతున్నప్పుడు.
"బయటే ఇంత అందంగావుంటే లోపల ఇకెంత బాగుంటుందో?" అనుకున్నాడు.
భారీ దెయ్యపు సైజు గేటు. గేటులో ఇంకో చిన్న గేటు. ఆ చిన్న గేటు పైభాగాన కంతలాంటి బుల్లి కిటికి.
ఎక్కడా అలికిడిలేదు. రెండోసారి కాలింగ్ బెల్లు నొక్కబోయి హఠాత్తుగా ఆగిపొయాడతను.
ఆ కంతలో నుండి రెప్పలు వాలిపోయిన రెండు చిన్ని కళ్ళు అతన్నే చూస్తున్నాయి.
"బీమ్ టెలికమ్యూనికేషన్స్ నుండి వచ్చానండీ" అన్నాడతను ఆ చిన్ని కళ్లకేసి చూస్తూ.
అటు నుండి స్పందన లేదు.
"ఇంటర్నెట్ .... ఇంటర్నెట్ కనెక్షన్ " గొంతు పెద్దది చేసి అరిచాడతను.
ఆ అరుపుకు ఆ కంతలో కళ్ళు మాయమైపోయాయి. కాస్సేపాగి, కిర్రు మంటు ఆ గేటు తెరుచుకుంది.
ఎదురుగా ఓ ముసలామె నిలడివుంది. ఆమె చుట్టూ పులుల్లాంటి ఆరు అల్షేషియన్ జాతి కుక్కలు నాలుకలు చాచి వగరుస్తూ నిలబడ్డాయి.
ఆ కుక్కల్ని చూడగానే ఆ యువకుడికి పై ప్రాణాలు పైకే పొయినట్టయింది. ఆ ముసలామె మాత్రం ఇదేమీ పట్టించుకోనట్టు రోడ్దు కేసి చూస్తోంది. ఎప్పుడో విడిపోయిన బంధువుల్ని ఇప్పుడే చూస్తున్నట్టు వుందామె చూపులు.
"కుక్కలు
" అన్నాడతను భయంభయంగా.
" మా అబ్బాయిలే. నిన్నేం చేయవు" అందామే వీధికేసే చూస్తూ.
అప్పుడే ఎదురుగా వున్న ఇంటి గేటు తెరుచుకుని ఒక కారు బయటికి వచ్చింది. కారు వెళ్ళిపోయాక ఆ ఇంటామె గేటు మూసివేసింది.
"ఛ" అంది ముసలామే. చాలా నిరాశగా.
No comments:
Post a Comment